స్వాతంత్ర్య దినోత్సవ వేడుకలకు ప్రణాళికలు సిద్ధం చేసుకోవాలి.. జిల్లా కలెక్టర్ నిషాంతి.

📍 AP Voice Today పాడేరు, జూలై 25: ఈ ఏడాది స్వాతంత్ర్య వేడుకలను ఘనంగా నిర్వహించే అవసరమైన ప్రణాళికలను అధికారులు సిద్ధం చేసుకోవాలని జిల్లా కలెక్టర్ టి.నిశాంతి ఆదేశించారు. స్వాతంత్ర్య దినోత్సవం నిర్వహణకు సంబంధించిన అంశాలపై వివిధ శాఖల అధికారులతో శనివారం కలెక్టరేట్‌లో నిర్వహించిన సమావేశంలో ఆమె మాట్లాడారు. వేడుకల్లో చేపట్టాల్సిన చర్యలపై ఆయా శాఖలకు చెందిన అధికారులు సమన్వయంగా వ్యవహరించి ఏర్పాట్లు చేయాలన్నారు. జిల్లాలో ఉత్తమ సేవలు అందించి, చక్కని ఫలితాలు సాధించిన అధికారులు, ఉద్యోగులకు తమ కుటుంబ సభ్యుల సమక్షంలో తగిన రీతిలో సత్కరిస్తామన్నారు. అన్ని రంగాల్లో జిల్లాను అగ్రగామిగా నిలిపేందుకు ప్రతి ఒక్కరూ కృషి చేయాలన్నారు. ఏఎస్ఆర్ అంటే... అడాప్ట్, షో కేస్, రిప్లికేషన్ అనే భావనతో ప్రతి ప్రభుత్వ శాఖ ఇప్పటి నుంచి ఆగస్టు 15 వరకు ప్రత్యేకంగా కృషి చేసి అత్యున్నత ఫలితాలు సాధించాలని కలెక్టర్ ఆకాంక్షించారు. – AP Voice Today | అల్లూరి సీతారామరాజు జిల్లా