ఉక్కు పాదం మోపుతున్న అనకాపల్లి మైనింగ్ ఇన్స్పెక్టర్ బంగారు.శ్రీనివాసరావు
అక్రమ మట్టి తవ్వకాలకు అడ్డుకట్ట - మైనింగ్ ఇన్స్పెక్టర్ బండారు శ్రీనివాసరావు చకచకా చర్యలు
AP VOICE TODAY - అనకాపల్లి జిల్లా | తేదీ: 02-08-2026
అచ్చుతాపురం మండలం
ప్రజల సంక్షేమే ధ్యేయంగా, నిబంధనలకు విరుద్ధంగా జరుగుతున్న అక్రమ కార్యకలాపాలపై ఉక్కుపాదం మోపిన అనకాపల్లి జిల్లా మైనింగ్ శాఖ ఇన్స్పెక్టర్ బండారు శ్రీనివాసరావు చాకచక్యంగా వ్యవహరించి అందరి ప్రశంసలు అందుకున్నారు.
దొప్పెర్ల పంచాయతీ పరిధిలోని సాయి ప్రియా లే-అవుట్లో సర్వే నంబర్లు 51, 53, 54, 55, 56తో పాటు ఫేజ్-2, ఫేజ్-5 ప్రాంతాల్లో కొంతమంది అక్రమంగా మట్టిని తవ్వి ప్రభుత్వానికి రావాల్సిన ఆదాయాన్ని నష్టపరుస్తున్నట్లు సమాచారం అందిన వెంటనే ఆయన స్పందించారు.
శనివారం ఉదయమే బృందంతో కలిసి అక్కడికి చేరుకున్న ఇన్స్పెక్టర్ బండారు శ్రీనివాసరావు అక్రమ తవ్వకాలు జరిగిన ప్రాంతాలను క్షుణ్ణంగా పరిశీలించారు. అలాగే, అక్కడి నుంచి తవ్విన మట్టిని సమీపంలోని లారస్ ల్యాబ్కు తరలించినట్లు వస్తున్న ఆరోపణలపై కూడా ఆధారాలను సేకరించారు.
బాధితులకు అండగా నిలిచిన అధికారి
ఈ సందర్భంగా బాధితులు తమ గోడును విన్నవించగా, వారి సమస్యలను ఓపికగా విన్న ఇన్స్పెక్టర్ శ్రీనివాసరావు "ఎవరూ భయపడొద్దు. చట్టపరంగా న్యాయం జరిగేలా చూస్తా. దోషులను ఎట్టి పరిస్థితుల్లోనూ వదిలిపెట్టం" అంటూ భరోసా ఇచ్చారు. ఆయన మాటలతో బాధితులు ధైర్యం తెచ్చుకున్నారు.
కఠిన చర్యలకు హెచ్చరిక
"ప్రభుత్వ భూముల్లో, ప్రైవేట్ లే-అవుట్లలో అక్రమ మట్టి తవ్వకాలు చేస్తే సహించేది లేదు. ఇలాంటి వారిపై కఠిన చర్యలు తీసుకుంటాం" అని ఇన్స్పెక్టర్ బండారు శ్రీనివాసరావు స్పష్టం చేశారు. ఆయన చొరవతో అక్రమార్కుల్లో వణుకు పుట్టింది.
ఈ తనిఖీల్లో కో జెడ్పీటీసీ, కొల్లి వరహాలరావు, నడిపింటి శేఖర్ తదితరులు పాల్గొన్నారు.
స్థానికులు: "ఇలాంటి నిజాయితీపరుడైన అధికారి ఉండడం మా అదృష్టం. శ్రీనివాసరావు గారు వెంటనే స్పందించి చర్యలు తీసుకున్నారు" అని కొనియాడారు.
కామెంట్లు
కామెంట్ను పోస్ట్ చేయండి