పెదగొంది పాలెం లో వారంరోజుల్లో 20 మేకలు మృతి

ఏపీ వాయిస్ టుడే - గూడెం కొత్తవీధి

పెద్దగొందిపల్లిలో మేకలకు వింత వ్యాధి - వారం రోజుల్లో 20 మేకలు మృతి

గూడెం కొత్తవీధి, సెప్టెంబర్ 20 :

గూడెం కొత్తవీధి పంచాయతీ పరిధిలోని పెద్దగొందిపల్లి గ్రామంలో వింత వ్యాధి సోకి మేకలు విపరీత సంఖ్యలో మృత్యువాత పడుతున్నాయి. గిరిజన రైతులకు చెందిన మేకలు గత కొన్ని రోజులుగా ఎలాంటి ఆహారం తీసుకోకుండా తీవ్ర నీరసానికి గురై మృతి చెందుతున్నాయని స్థానిక రైతు సోమేష్ ఆవేదన వ్యక్తం చేశారు.

గత వారం రోజుల వ్యవధిలోనే గ్రామంలో సుమారు 20 మేకలు చనిపోయినట్లు ఆయన తెలిపారు. మేకలు వరుసగా మృతి చెందుతుండటంతో గిరిజన రైతులు, పశుపెంపకదారులు తీవ్ర ఆందోళనకు గురవుతున్నారు.

అధికారులు వెంటనే స్పందించి గ్రామంలో అత్యవసరంగా పశువైద్య శిబిరం ఏర్పాటు చేసి, మిగిలిన మేకలకు వైద్య పరీక్షలు నిర్వహించి చికిత్స అందించాలని వారు కోరుతున్నారు.

మేకల మృతితో నష్టపోయిన తమను ప్రభుత్వం ఆదుకోవాలని రైతులు విజ్ఞప్తి చేస్తున్నారు.

--- AP Voice Today ---