మోడరన్ విద్యా సంస్థలో ఘణంగా వినాయక చవితి వేడుకలు.

ఏపీ వాయిస్ టుడే

ఆధ్యాత్మిక భావానికి, సామాజిక ఐక్యతకు నిదర్శనం - వినాయక చవితి పర్వదినం :- జి. వి. రావు

రామచంద్రపురం, సెప్టెంబర్ 14

రామచంద్రపురం మోడరన్ విద్యాసంస్థల ప్రాంగణంలో సోమవారం వినాయక చవితి పూజా కార్యక్రమాన్ని మోడరన్ విద్యాసంస్థల అధినేత డాక్టర్ లయన్ జి.వి.రావు, మంగాదేవి దంపతులు భక్తిశ్రద్ధలతో నిర్వహించారు.

ఈ సందర్భంగా మోడరన్ విద్యాసంస్థల హాస్టల్ విద్యార్థులతో కలిసి వేదపండితుల ఆధ్వర్యంలో రావు దంపతులు సాంప్రదాయబద్దంగా వినాయక చవితి కార్యక్రమాన్ని నిర్వహించారు.

ఈ సందర్భంగా జి.వి.రావు మాట్లాడుతూ... స్వాతంత్ర ఉద్యమ సమయంలో బాలగంగాధర తిలక్ ఈ పండుగను ఇళ్ల నుండి వీధుల్లోకి తీసుకువచ్చి కుల, మత, వర్గ భేదాలను మరిచి అందరూ ఒక్కచోట చేరే సామాజిక ఐక్యతా వేదికగా మార్చారని పేర్కొన్నారు. మండపాల్లో భక్తులు ప్రతిరోజు కలిసి పూజలు, సాంస్కృతిక కార్యక్రమాలు నిర్వహించడం వల్ల గ్రామాల్లో, వీధుల్లో స్నేహం, సహకారం పెరుగుతాయన్నారు.

వినాయక చవితి రోజు పూజకు ఉపయోగించే 21 రకాల పత్రి కేవలం ఉత్త ఆకులు కావని, అవి వర్షాకాలంలో వచ్చే జలుబు, జ్వరం, చర్మ వ్యాధులను నివారించే ఔషధ గుణాలు కలిగిన ఆయుర్వేద ఆకులని రావు గుర్తు చేశారు. గరిక, జిల్లేడు, మారేడు, ఉమ్మెత్త వంటి పత్రిని తాకడం, వాటి సువాసన పీల్చడం వల్ల శరీరానికి సహజమైన ఆరోగ్య రక్షణ లభిస్తుందని పెద్దల నమ్మకమన్నారు.

తొలిపూజ అందుకునే విఘ్నేశ్వరుడిని భక్తితో పూజిస్తే ఏ పని మొదలుపెట్టినా ఆటంకాలు తొలగి విజయం లభిస్తుందని భక్తుల ప్రగాఢ విశ్వాసమని వివరించారు. మ