మాకవరపాలెం లో ఘణంగా అంగన్వాడీ కార్యక్రమం

మాకవరపాలెంలో ఘనంగా అంగన్వాడీ పండుగ

మాకవరపాలెం: మాకవరపాలెంలో అంగన్వాడీ పండుగ ఘనంగా జరిగింది. మండల పరిషత్ సమావేశ మందిరంలో మంగళవారం కార్యక్రమాన్ని నిర్వహించారు. ముఖ్య అతిథిగా ఐసీడీఎస్ జిల్లా ప్రాజెక్టు డైరెక్టర్ రామలక్ష్మి హాజరై జ్యోతి ప్రజ్వలన చేసి కార్యక్రమాన్ని ప్రారంభించారు.

ఈ సందర్భంగా ఆమె ఐసీడీఎస్ ద్వారా అమలు చేస్తున్న పథకాలను వివరించారు. బాలింతలు, గర్భిణులు, చిన్నారుల ఆరోగ్య సంరక్షణ కోసం కేంద్ర, రాష్ట్ర ప్రభుత్వాలు పౌష్టికాహారాన్ని అందిస్తున్నాయని, వాటిని సద్వినియోగం చేసుకోవాలని సూచించారు.

అనంతరం స్థానిక టీడీపీ నేత అల్లురాము నాయుడు మాట్లాడుతూ అంగన్వాడీలకు కూటమి ప్రభుత్వం అన్ని విధాలా అండగా ఉంటుందన్నారు. అంగన్వాడీల సేవలను గుర్తించింది తెలుగుదేశం ప్రభుత్వమేనన్నారు. ప్రభుత్వ వైద్యాధికారి బి.శ్రీనివాస్ గర్భిణులు, బాలింతలను ఉద్దేశించి ప్రసంగించారు.

ఈ సందర్భంగా ఏర్పాటు చేసిన పౌష్టికాహార స్టాల్స్ ను అధికారులు, నేతలు పరిశీలించారు. అంగన్వాడీలను ఘనంగా సత్కరించారు.

పాల్గొన్నవారు: ఆర్.వి.పాత్రుడు, మర్రి నాయుడు, సీడీపీఓ రమణి, ఎంపీడీఓ ఛాయా సుధ, మేరి జోన్స్, రమేష్ తదితరులు.