రావికమతం మండలం లో చక్కని వైద్యసేవలను అందిస్తున్న మెడికల్ ఆఫీసర్ డాక్టర్ జయలలిత

ఏపీ వాయిస్ టుడే - రావికమతం

మానవత్వానికి మారుపేరు డాక్టర్ జయలలిత! - రావికమతం ప్రజల గుండెల్లో చెరగని ముద్ర!

24 గంటలూ ప్రజలకు అందుబాటులో ఉంటూ.. చిరునవ్వుతో పలకరిస్తూ ప్రాణం పోస్తున్న దేవతామూర్తి!

వైద్యం అంటే కేవలం మందులు రాయడం కాదు.. ఆప్యాయంగా పలకరించి, భరోసా ఇవ్వడమని నిరూపిస్తున్నారు రావికమతం పీహెచ్సీ వైద్యాధికారి డాక్టర్ జయలలిత గారు.

రావికమతం మండలంలో ఎవరికి ఏ ఆరోగ్య సమస్య వచ్చినా "నేనున్నా" అంటూ ముందుకు వెళ్లి వైద్యం అందించడంలో డాక్టర్ జయలలిత గారు ఎల్లప్పుడూ ముందుంటారు. పగలనకా, రాత్రనకా 24 గంటలూ ప్రజలకు అందుబాటులో ఉంటూ, అందరికీ అండగా నిలుస్తున్నారు.

చిరునవ్వే ఆమె మొదటి మందు!
ఆసుపత్రికి వచ్చిన రోగులను చిరునవ్వుతో, ఆప్యాయంగా పలకరిస్తూ వారి బాధను సొంత బాధగా భావించి మంచి వైద్యం అందిస్తున్నారు.గ్రామాల్లో వైద్య శిబిరాలు ఏర్పాటు చేస్తూ ఎంతోమందికి ఉచితంగా చక్కని వైద్య సేవలను అందిస్తున్నారు.

తాజాగా రావికమతం మండలం గుమ్మాలపాడు గ్రామంలో శనివారం నిర్వహించిన ఉచిత వైద్య శిబిరంలో 51 మంది రోగులకు స్వయంగా వైద్య పరీక్షలు నిర్వహించి, అవసరమైన వారికి ఉచితంగా మందులు పంపిణీ చేశారు.

ఈ కార్యక్రమంలో ఏఎన్ఎం, ఆశాలు రమణమ్మ, రమ, సంధ్య, అంగన్వాడీ టీచర్ పద్మావతి, పీహెచ్సీ వైద్య సిబ్బంది పాల్గొన్నారు.

వృత్తిని దైవంగా భావించి, ప్రజల ఆరోగ్యమే తన లక్ష్యంగా పనిచేస్తున్న డాక్టర్ జయలలిత గారి సేవలు రావికమతం మండలంలోనే కాదు, జిల్లా వ్యాప్తంగా అందరికీ ఆదర్శంగా నిలుస్తున్నాయి.

- ఏపీ వాయిస్ టుడే, రావికమతం