చోడవరం లో స్వర్ణాంధ్ర...స్వచ్చాంద్ర కార్యక్రమం

ఏపీ వాయిస్ టుడే - చోడవరం

చోడవరంలో స్వర్ణాంధ్ర - స్వచ్ఛ ఆంధ్ర స్పూర్తి.. పాత చెరువుకు పునర్వైభవం.. ఈవో గంగాధర్ గారి అద్భుత కృషికి ప్రజల నీరాజనం!

చోడవరం పట్టణంలో ఎన్నో ఏళ్లుగా పూడికతో, చెత్తాచెదారంతో నిండిపోయిన ఆర్టీసీ కాంప్లెక్స్ పక్కన ఉన్న పాత చెరువుకు ఎట్టకేలకు మోక్షం లభించింది. గౌరవనీయులైన ఎమ్మెల్యే గారి ఆదేశాల మేరకు, ప్రతిష్టాత్మక "స్వర్ణాంధ్ర - స్వచ్ఛ ఆంధ్ర" కార్యక్రమంలో భాగంగా ఈ చెరువు పునరుద్ధరణ పనులు ఘనంగా జరిగాయి.

ఈవో గంగాధర్ గారి నేతృత్వంలో అహర్నిశల కృషి...
ఈ కార్యక్రమం విజయవంతం కావడం వెనుక చోడవరం మండల ఈవో గంగాధర్ గారి కృషి ఎనలేనిది. ఆయన స్వయంగా రంగంలోకి దిగి, ఎటువంటి జంగిల్ క్లియరెన్స్ కోసం ఎదురుచూడకుండా, జెసిబిలు, ట్రాక్టర్ల సహాయంతో చెరువులో పేరుకుపోయిన చెత్తను, ప్లాస్టిక్ వ్యర్థాలను పూర్తిగా తొలగించి, ట్రాక్టర్ల ద్వారా దూరంగా తరలించారు. అంతేకాకుండా మెయిన్ రోడ్డు పక్కన ఉన్న డ్రైన్ అవుట్ లెట్ ను కూడా శుభ్రం చేసి, వర్షపు నీరు నేరుగా పాత చెరువులోకి వచ్చేలా మార్గం సుగమం చేశారు.ఆర్టీసీ కాంప్లెక్స్ పరిసరాల్లో మళ్లీ చెత్త వేయకుండా ఉండేందుకు ఆర్టీసీ డిపో మేనేజర్ గారికి డస్ట్ బిన్ లు ఏర్పాటు చేయాలని స్వయంగా సూచించి, చెరువు పరిరక్షణకు పక్కా ప్రణాళిక రూపొందించారు.

అధికారులందరి సమిష్టి కృషి...
ఈ కార్యక్రమంలో మండల స్పెషల్ ఆఫీసర్ శ్రీమతి శ్రీదేవి గారు, ఎంపీడీవో రాజు గారు, డిప్యూటీ ఎంపీడీవో అర్జున్ రావు గారు, ఆర్టీసీ సిబ్బంది, ఎన్ ఆర్ జి ఎస్ సిబ్బంది, పోలీస్ డిపార్ట్మెంట్ వారు మరియు మండల్ లెవల్ అధికారులు అందరూ పాల్గొని స్వర్ణాంధ్ర స్వచ్ఛ ఆంధ్ర కార్యక్రమాన్ని విజయవంతం చేశారు.

ముఖ్యంగా ఈవో గంగాధర్ గారు చూపిన చొరవ, పట్టుదల పట్ల చోడవరం ప్రజలు హర్షం వ్యక్తం చేస్తున్నారు. చెరువులను కాపాడుకోవడంలో ఆయన చేస్తున్న కృషి ఇతర మండలాలకు ఆదర్శంగా నిలుస్తోందని ప్రజలు కొనియాడుతున్నారు.

- ఏపీ వాయిస్ టుడే, చోడవరం