చోడవరం లో స్వచ్చ పదం

 *AP VOICE TODAY - చోడవరం*

*స్వచ్ఛతకు కేరాఫ్ గా ఈవో గంగాధర్ - చోడవరంలో స్వచ్ఛ పదం కార్యక్రమంతో నూతన శోభ*

*పట్టణాన్ని పరిశుభ్రంగా మార్చడంలో విశేష కృషి - ప్రజల ప్రశంసలు అందుకుంటున్న అధికారి*

*చోడవరం:* చోడవరం పట్టణాన్ని స్వచ్ఛతలో ఆదర్శంగా నిలపడంలో ఈవో గంగాధర్ గారు చేస్తున్న కృషి ఎంతైనా అభినందనీయమని ప్రజలు కొనియాడుతున్నారు. పారిశుధ్యమే తన లక్ష్యంగా అహర్నిశలు శ్రమిస్తున్న ఆయన సేవలు పట్టణ ప్రజలకు స్ఫూర్తిగా నిలుస్తున్నాయి.

ఈరోజు చోడవరం పట్టణంలో కోణం గెస్ట్ హౌస్ ఏరియాలో ఈవో గంగాధర్ గారి ఆధ్వర్యంలో "స్వచ్ఛ పదం" కార్యక్రమాన్ని విజయవంతంగా చేపట్టారు. ఈ కార్యక్రమంలో భాగంగా రోడ్లకు ఇరువైపులా ఉన్న పిచ్చి మొక్కలను తొలగించి, అక్కడున్న డ్రైన్లన్నింటినీ శుభ్రం చేసి పట్టణానికి కొత్త శోభ తీసుకువచ్చారు.

అంతేకాకుండా అక్కడున్న ప్రజలకు చెత్త ఎవరూ రోడ్డు మీద వేయరాదని, తమ వద్దే ఉంచుకుని ప్రతి వారం వచ్చే స్వచ్ఛ రథానికి ఇస్తే దాని ద్వారా వచ్చే డబ్బులను తమ అవసరాలకు వాడుకోవచ్చని అవగాహన కల్పించారు. తడి చెత్తనంతా లక్ష్మీదేవి పేటలో ఉన్న SWPC షెడ్ కు పంపించి వర్మీ కంపోస్ట్ తయారు చేయాలని శానిటేషన్ సిబ్బందికి దిశానిర్దేశం చేశారు.

సాధారణంగా అధికారులు కార్యాలయానికే పరిమితం అవుతుంటే, ఈవో గంగాధర్ గారు మాత్రం స్వయంగా రోడ్డుపైకి వచ్చి పారిశుధ్య పనులను పర్యవేక్షిస్తూ, సిబ్బందిలో ఉత్సాహం నింపుతున్నారని స్థానికులు ప్రశంసిస్తున్నారు. ఆయన ముందుచూపు, నిబద్ధత వల్లే చోడవరం పట్టణం రోజురోజుకూ పరిశుభ్రంగా మారుతోందని ప్రజలు హర్షం వ్యక్తం చేస్తున్నారు.

ఈ కార్యక్రమంలో ఎంపీడీవో రాజు గారు, ఈవో గంగాధర్ గారు మరియు శానిటేషన్ సిబ్బంది పాల్గొన్నారు. ఇలాంటి సమర్థుడైన అధికారి చోడవరానికి ఉండటం పట్టణ ప్రజల అదృష్టమని ప్రజలు చెబుతున్నారు.